Serbët mblidhen në Zveçan, nisin dhe bllokimin e rrugëve me kamionë

Serbët lokalë në pjesën veriore të Kosovës janë mbledhur në Rudarë, në afërsi të Zveçanit, por dhe në zonën e Leposavicit.

Nga mediat lokale, raportohet se arsyeja e mbledhjes së serbëve në këtë pjesë, është për shkak të arrestimit të serbit në Jarinjë, i cili sipas informacioneve nga Beogradi, ishte ish-pjesëtar i Policisë së Kosovës, i cili dha dorëheqjen së fundmi bashkë me kolegët e tij.

Ashtu siç raportohet, serbët e mbledhur, për të cilët thuhet se ka edhe të maskuar, nuk duan që personi i arrestuar të dërgohet në Prishtinë. Në raportime thuhet edhe se përveç mbledhjes së serbëve, atje kanë filluar të vendosen edhe barrikada.