Serbia: Mali i Zi po mbron pavarësinë e Kosovës më shumë se Shqipëria

Edhe një herë Kosova duket se po nxeh gjakrat në rajon, Këtë herë bëhet fjalë për deklarata në distancë mes Malit të Zi dhe Serbisë.

Ka qenë ministri serb i Mbrojtjes Aleksandar Vulin, ai që ka kundërshtuar deklaratën e ministrit të Mbrojtjes të Malit të Zi, Predrag Boshkoviç, se Kosova është shtet.

Ai ka thënë se Kosova nuk është shtet, por territor përkohësisht në administrim të OKB-së e në përputhje me Rezolutën 1244.

Sipas Vulin, kur Mali i Zi dërgon oficerë në mision në territorin e Serbisë, rregulli i parë është që të pyetet edhe shteti Serb.

Ai shtoi më tej: Ministri malazez i Mbrojtjes më zëshëm po e përfaqëson pavarësinë e Kosovës se Shqipëria. Do ta kishim respektuar më shumë dërgimin e ushtarëve malazezë, sikur vetëm një ushtar ta kishin dërguar për të mbrojtur manastiret, e jo në shtab si mbrojtje të pavarësisë së Kosovës”.