Autoritetet shqiptare kanë vendosur të ndalojnë hyrjen e mjeteve për të gjithë shtetasit e Kosovës, me përjashtim atyre te shëndetësisë, komerciale dhe qeveritare.
Këtë e ka bërë të ditur Qendra Kombëtare për Menaxhim Kufitar e Kosovës.
QKMK ju njofton: për masat e ndërmarra nga ana e autoriteteve të Republikës së Shqipërisë, sa i përket qarkullimit kufitar për në Republikën e Shqipërisë.
• Duke filluar nga data 13/03/2020, në ora 06.00, do të ndalohet hyrja në territorin e Republikës së Shqipërisë, për te gjithë shtetasit / veturat e Republikës së Kosovës.
• Do te lejohet hyrja vetëm e veturave te shëndetësisë / ndihmës së shpejt , automjeteve komerciale ( ata te cilat bartin mallra) dhe veturave qeveritare.
• Kjo masë do të zgjasë deri me datë, 15/03/2020 në ora 24.00.
Ndryshe në Shqipëri numri i personave të prekur me coronavirus ka arritur në 23, ndërsa një person ka humbur jetën. Ndërkaq, në Kosovë deri në këto momente nuk ka asnjë rast të konfirmuar me coronavirus.