S’ka “tym të bardhë” nga Kosova

Ka përfunduar takimi në mes të krerëve të LDK-së dhe Lëvizjes Vetëvendosje në objektin e Kuvendit.

Telegrafi mëson se, as sot nuk është arritur ndonjë marrëveshje.

Para fillimit të këtij takimi, Mustafa deklaroi se të dy subjektet politike do të mundohen që të arrijnë një marrëveshje përfundimtare.

Ndërkaq lideri i LVV-së, Kurti theksoi se nuk varet gjithçka nga LVV.

“Jemi duke shkuar për marrëveshje, por kjo nuk varet vetëm nga unë”, tha ai.

Takimi ka filluar në orën 15:30, ndërsa ka zgjatur rreth dy orë.

Po ashtu, dy subjektet përveç që nuk kanë folur para mediave, gjithashtu nuk kanë dhënë ndonjë detaj nëse do të ketë sërish takim të premten.