Temperatura të larta në Kosovë

Prizreni dhe Gjakova me 32 gradë celcius do jenë qytetet më të nxehta sot në Kosovë, pas tyre kryeqyteti Prishtina, Gjilani e Podujeva me 31 gradë dhe Peja, Ferizaj e Mitrovica me 30 gradë celcius.

Pas ditëve të para të javës me vranësira e reshje shiu nga pasditja e së enjtes e tutje do të mbajë mot me diell, ka parashikuar Instituti Hidrometeorologjik i Kosovës.

Në vendkalimin kryesor kufitar në autostradën e kombit, në Vërmicë-Morin, në dalje nga Kosova në Shqipëri në këto momente kalohet për 10-15 minuta në kolonë deri 30 metra, bën të ditur Qendra Kombëtare për Menaxhim Kufitar.

Policia kosovare ka bërë të ditur për ATSH se, në venkalimet kufitare Shqipëri-Kosovë qershori 2016 me më shumë se gjysëm milioni – gjithësej 507886 hyrje-dalje të personave kishte rritje fluksi për 1.52 për qind karahauar me qershorin 2015, kur kishte 500288 hyrje-dalje.