Thaçi: Lajçak kundër Kosovës së pavarur, misioni i tij do dështojë

Presidenti i Kosovës, Hashim Thaçi, ka folur për emërimin e Miroslav Lajçak nga Bashkimi Evropian si përfaqësuesi i posaçëm për dialogun Kosovë-Serbi.

Përmes një postimi në Twitter, Thaçi ka reaguar duke “e uruar për detyrën por tha se Lajjçak është kundër Kosovës së pavarur.

Hashim Thaçi: “BE zyrtarisht ka emëruar të dërguarin special në dialogun në mes të Kosovës dhe Serbisë, E uroj atë për marrjen e detyrës”.

“Por që misioni i ri i tij është i dizajnuar që të dështojë për shkak të asaj që ka bërë për ta penguar Sllovakinë për ta njohur Kosovën dhe votimin kundër Kosovës për ulëse në UNESCO”.

Të enjten e 19 marsit, shtetet anëtare të Bashkimit Evropian ranë dakord që Miroslav Lajçaku të jetë përfaqësues i posaçëm i unionit për dialogun midis Kosovës e Serbisë.