Thaçi: Liberalizimin e vizave e kemi arritur të gjithë bashkë

Në konferencën me komisionerin Avramopulos, Presidenti Thaçi është shprehur se ky është një sukses që na takon të gjithëve dhe për të cilin kemi punuar të gjithë.

“Jemi të gatshëm dhe të përgatitur, por nuk kemi dhe shumë kohë ta stërzgjasim këtë proces, prandaj duhet të përfitojmë nga kjo mundësi, të cilën e kemi arritur të gjithë bashkë”.

Gjithashtu, Thaçi ka shtuar se shpërblimi më i madh që mund t’i ofrojmë komisionerit si mirënjohje është ndikimi pozitiv që do të ketë kjo çështje në dialogun me Serbinë.

“Shpërblimi më i madh që do tju ofrojmë si mirënjohje është ndikimi pozitiv që do të ketë kjo në dialogun Kosovë-Serbi, i lehtë por i domosdoshëm për marrëdhëniet e mira mes dy vendeve”, ka thënë Presidenti Hashim Thaçi.