Thaçi uron Shqipërinë për marrjen e presidencës së OSBE-së

Shqipëria mori sot zyrtarisht kryesimin e OSBE-së për vitin 2020.

Në një mesazh në Twitter, Presidenti i Kosovës, Hashim Thaçi ka uruar Shqipërinë për këtë arritje.

Ai shkruan se mezi pret të bashkëpunojë me kryeministrin Rama për sfidat e përbashkëta dhe e përgëzon atë për listën gjithëpërfshirëse të përparësive.

“Urime Shqipërisë për marrjen e kryesisë së OSBE-së për vitin 2020. Ne shpresojmë që të punojmë me kryeministrin Edi Rama për të çuar përpara misionin tonë të përbashkët për forcimin e demokracisë dhe të drejtave të njeriut. I lumtur për të parë një listë gjithëpërfshirëse të përparësive që i japin përparësi paqes dhe pajtimit.”, shkruan Thaçi.

Congratulations to #Albania for taking OSCE chairmanship for 2020. We look forward to working with PM @ediramaal to advance our joint mission of strengthening democracy and human rights. Glad to see a comprehensive list of priorities that prioritizes peace and reconciliation.

— Hashim Thaçi (@HashimThaciRKS) January 9, 2020