Thirrja nga Rexhep Qosja: Rama dhe Kurti të kenë mendime të njëjta. Jo dy politika kombëtare

Akademiku Rexhep Qosja, thotë se dy kryeministrat, Edi Rama i Shqipërisë dhe Albin Kurti i Kosovës, duhet që të kenë mendime të harmonizuara jo thjesht ideologjike, por praktike. Për Qosen duhet të kemi jo dy politika kombëtare.

“Për çështjet e bisedimeve të Kosovës me Serbinë. Çka ka më të rëndësishme se qëndrimi i Shqipërisë dhe Kosovës ndaj Serbisë të jetë i njëjtë. Çka ka më të rëndësishme që bashkëpunimin me Serbinë, marrëveshjet me Serbinë të mos i bëjë vetëm Shqipëria, ose Kosova, por t’i bëjnë vetëm kur i bëjnë bashkërisht.

Është me rëndësi shumë të madhe që këta dy kryeministra të bashkojnë mendimet e veta dhe të mendojnë në mënyrë të njehsuar, të përbashkët. Çështja e Kosovës nuk e realizon rëndësinë e vet nëse edhe Shqipëria nuk është me të.

Për këtë arsye do të thosha këtu para jush, do t’i ftoja, kryeministrin e Shqipërisë, Edi Ramën, që është më i vjetër se ai i Kosovës, Albin Kurti, që të merren vesh mes vetes, t’i harmonizojnë mendimet dhe qëndrimet e veta. Të mendojnë se ata duhet të bëjnë një politikë, jo dy politika kombëtare për Kosovën, Shqipërinë, për popullin shqiptar në përgjithësi”., tha më tej për ”A2cnn”.