Tragjike/ 26-vjeçari shqiptar hidhet nga kati i 5-të i hotelit të karantinës, humb jetën

Një ri rreth 26-vjeç dyshohet se është hedhur nga kati i pestë i njërit prej konvikteve në Prishtinë ku mbahen personat e karantinuar të kthyer nga jashtë. I riu ka humbur jetën në vend, ndersa identiteti i tij nuk behet i ditur.

Zëdhënësi i Policisë, Daut Hoxha tha se rreth orës 17:20, ekipet e emergjencës dhe Policia kanë shkuar te Qendra e Studenteve pasi morën raportimin për ngjarjen. Njësitet e policisë kanë nisur hetimet për të zbardhur shkaqet e kësaj ngjarjeje të rëndë, ndersa nuk dihen ende motivet që e kanë shtyrë të riun drejt këtij akti ekstrem.

Kosova që prej nisjes së pandemisë e ka bërë të detyrueshëm karantinimin për çdo person që kthehet nga jashtë vendit, ndërsa me kalimin e ditëve situata duket të jetë nën kontroll sa i takon rasteve të reja dhe jetëve të humbura.