VIDEO/ ”Prekëse”, kryeministri i Izraelit shpërndan mesazhin falenderues të Vjosa Osmanit për njohjen e Kosovës

Kryeministri i Izrealit, Benjamin Netanyahu ka shpërndarë mesazhin falenderues të kryeparlamentares së Kosovës, Vjosa Osmani për njohjen e vendit të saj.

Vjosa Osmani në fjalim falenderon Izraelin dhe veçanërisht SHBA-në për këtë arritje teksa i kujton se dikur shqiptarët i hapën dyert hebrenjve që t’i shpëtonin nazizmit.

Netanyahu thotë se mesazhi i Vjosa Osmanit është prekës teksa përmend edhe njëherë se Kosova është vendi i parë me shumicë myslimane që do të hapë ambasadë në Jeruzalem.

Të premten gjatë nënshkrimit të marrëveshjes Kosovë- Serbi në Shtëpinë e Bardhë, Trumo njoftoi se Izraeli do të njohë Kosovën, kurse shtoi se si Kosova dhe Serbia do të hapin ambasadë në Jeruzalem.

מסר מרגש ודרישת שלום מיו”ר הפרלמנט של קוסובו, עוסמני ויוסה, המדינה המוסלמית הראשונה שתפתח שגרירות בירושלים.

A touching message from Dr. Vjosa Osmani, Speaker of the Parliament of Kosovo, the first Muslim-majority nation to open an Embassy in Jerusalem. pic.twitter.com/7LFMUelUTx

— Benjamin Netanyahu (@netanyahu) September 7, 2020