VIDEO /Rita Ora ndez Prishtinën veshur kuqezi, suprizon me ”Shotën”

Këngëtarja Kosovare me famë botërore, Rita Ora ka nisur koncertin në sheshin ”Nëna Tereza” në Prishtinë. Paraqitja e saj në skenë u prezantua nga kryeministri Ramush Haradinaj. Në skenë ajo u shfaq e veshur me ngjyrat e flamurit kuqezi.

“I Will Never Let You Down” ishte kënga hapëse e koncertit të shumëpritur të 27-vjeçares. Më pas ka vazhduar me këngën kushtuar vendlindjes së saj, “Shine Ya Light”.

Para se të fillonte interpretimin, Rita i tha publikut se kjo këngë u kushtohej atyre. Koncerti i Rita Orës është organizuar në kuadër të aktiviteteve të shumta për të shënuar dhjetëvjetorin e Pavarësisë së Kosovës.

Sheshi ”Nëna Tereza”, për herë të parë po gumëzhim nga mijëra shtetas që prej orësh pritën për të shijuar koncertin madhështor.

https://www.facebook.com/rtklivecom/videos/10155835184898859/

Këngëtarja e njohur ka intepretuar fillimisht këngën shqiptare “Shota”.  ‘Shota’ është performuar në Prishtinë në koncertin e madh të pavarësisë nga këngëtarja me famë botërore Rita Ora. Këtë befasi Rita e kishte paralajmëruar ditë më parë nëpërmjet një video në Instagram. Ky është koncerti më i madh i mbajtur ndonjëherë në Kosovë. Rita po qëndron në Kosovë për 10 vjetorin e pavarësisë së Kosovës.

VIDEO