Berisha nis takimet me aleatët për protestat, ”lufta” për 14 majin zhvendoset në KQZ

Teksa ”lufta” për vulën dhe logon e PD-së është zhvendosur në KQZ pas depozitimit të emrave për anëtarë të KZAZ-ve nga ana e dy grupimeve, kreu i PD-së, Sali Berisha thotë se veç një vendim politik i Edi Ramës mund ta bllokojë regjistrimin e Partisë Demokratike në zgjedhje. Sali Berisha dhe Ilir Meta konfirmuan pas një takimi që zhvilluan në selinë blu se janë në union për aksionin opozitar.

Sali Berisha: Diskutuam gjerësisht dhe gjetëm pajtim të plotë në mendime për qëndrimet që duhet të mbajmë. Parlamenti Linda Rama ka humbur çdo legjitimitet me aktet që bën.

Ilir Meta: Ne do ecim në rrugën e protestave dhe pa asnjë diskutim në rrugën e zgjedhjeve.

Krahas vendimit të gjykatës, Ivi Kaso Sekretar për çështjet zgjedhore në selinë blu thotë se vetë KQZ-ja ka edhe një precedent në vendimarrje të ngjashme, duke regjistruar në zgjedhjet vendore të 2019 pa një vendim të formës së prerë Partinë Bindja Demokratike të Astrit Patozit.

Ivi Kaso: Ka shërbyer në zgjedhje, vetë KQZ ka gjykuar në atë rast ku KQZ ka thanë se mjafton një vendimmarrje e Gjykatës së Shkalës së Parë. Ne kërkojmë që ligji të zbatohet dhe po ashtu precedenti dhe të prevalojë interesi i qytetarëve.