Deputetë me lidhje “kriminale”, Dashamir Shehi: Listat në çdo zonë i bën kryetari i partisë

Deputeti dhe kryetari i LZHRK-së, Dashamir Shehi, thotë se përzgjedhja e tyre bëhet nga kryetari i partisë. Për të listat bëhen nga i partisë, me synimin për të kontrolluar territore edhe përmes elementëve lokal.

”Rasti i Rrahman Rrajës, nuk është se është ndonjë deputet aktiv në Parlament, por mundet të jetë i rëndësishëm në zonë, kjo është mënyra e përzgjedhjes që peshon realitetin konkret.

Ata janë personazh lokal pa ndonjë bagazh dhe marrin një rol që është përtej dimensionit të tij. Ky është protagonizëm lokal, që nuk ka të bëj me ide. Njerëz si këta nuk mund të hynin në parlament në vite ;90 pa ndonjë bagazh e profesionalizëm, tani mund ta bëj kushdo.

As Rrahmani, nuk ka hyrë vet aty, çelësi është lista që e bën kryetari i partisë, sepse ai don të kontrollojë territorin edhe përmes elementëve lokal. Ne duhet të merremi me sistemin zgjedhore që e lejoj këtë gjë”.