Kërkon lirinë, Gjykata e Lartë cakton datën për kërkesën e Metës

Gjykata e Lartë cakton datën 9 tetor për shqyrtimin e kërkesës së Ilir Metës për zbutje të masës së sigurisë “arrest në burg”. Meta kërkon shfuqizimim e dy shkallëve më të ulëta, që kanë refuzuar kërkesën e tij.

Gjykata caktoi 25 shtatorin për seancën paraprake për ish-presidentin Ilir Meta. Kërkesa do shqyrtohet nga gjyqtarja Irena Gjoka, e cila u caktua më herët nga shorti elektronik që u hodh javën e kaluar.

Presidenti i PL-së, regjistroi një tjetër betejë të dështuar në luftën e tij për t’u liruar nga burgu. Gjykata e Posaçme e Apelit rrëzoi kërkesën e tij për të zëvendësuar me një masë më të butë masën “arrest në burg”, që e vuan prej tetorit të vitit të kaluar.