Pas gjetjes së eshtrave, Prokuroria rihap hetimin për zhdukjen e këngëtarit

Pas gjetjes së disa eshtrave, Prokuroria e Elbasanit ka rihapur hetimet për zhdukjen e këngëtarit të tallavës, Renato Hamza, i njohur ndryshe si Reni.

Më 3 nëntor, eshtrat u gjetën në një fshat të Librazhdit dhe ka dyshime të forta që ky trup mund t’i përkasë pikërisht Renato Hamzës, zhdukja e të cilit vijon të mbetet një enigmë edhe sot.

Ka dyshime se këngëtari mund të jetë ekzekutuar nga një grup kriminal që operon në zonën e Shqipërisë së Mesme, pasi për të riun kanë pasur dyshime se mund të ketë qenë dëshmitarë i një ngjarje kriminale që ky grup kishte kryer.