Përfshihet nga flakët autoboti me naftë në Rrugën e Kombit, shpëton drejtuesi

Gjatë mbrëmjes së djeshme, në autostradën Rruga e Kombit, në kilometrin 34, është përfshirë nga flakët një trailer autobot që transportonte karburant.
Falë ndërhyrjes së menjëhershme dhe në kohë të forcave të shumta të zjarrfikëses së Mirditës, zjarri i përmasave të mëdha është vënë nën kontroll, duke shmangur pasoja serioze dhe rrezikun e përhapjes së flakëve në sasinë e madhe të karburantit që po transportohej.