Aksident fatal në Lezhë, dy viktima. Policia: Ka edhe të plagosur

Mëngjesi i kësaj të premte ka nisur me një tragjedi, si pasojë një aksidenti të rëndë në aksin Lezhë-Shkodër. Nga përplasja e fortë e dy automjeteve në afërsi të fshatit Gocaj, dy persona kanë ndërruar jetë, ndërsa dy të tjerë janë plagosur 1 grua dhe 1 fëmijë. Për nxjerrjen e trupava kanë ndërhyrë forcat zjarrfikëse të cilët më pas u morën me ambulancë. Policia dhe grupi hetimor ndodhen në vendgjarje për zbardhjen e shkaqeve të këtij aksidenti.