Policia Rrugore u bën apel për kujdes të shtuar për të gjithë përdoruesit e rrugës!

Ndryshimet atmosferike, shtimi i reshjeve ka nxitur autoritetet e Policisë Rrugore të bëjnë apel për kujdes të shtuar të të gjithë përdoruesve të rrugës, për të shmangur çdp anomali apo më të keqen që vjen si abuzim me respektimin e normave të shpejtësisë dhe të gjithë elementeve që disiplinojnë shfrytëzimin rigoroz të rrugës.
Policia e Shtetit në publikimin e saj në mediat sociale ka bërë me dije se “Si pasojë e motit të keq me reshje shiu, ku në disa akse rrugore ka prezencë uji apo edhe rënie inertesh, Policia e Shtetit apelon për të gjithë përdoruesit e rrugës 🚶‍♂️🚗 që të tregojnë kujdes të shtuar, të respektojnë me rigorozitet rregullat e qarkullimit rrugor dhe të zbatojnë udhëzimet e shërbimeve të Policisë Rrugore.
Strukturat e Policisë Rrugore janë në terren 🚨🚓, për të ndihmuar dhe parandaluar ngjarjet rrugore.
Ndërkohë, po bashkëpunohet me firmat kontraktore të mirëmbajtjes së rrugëve, me qëllim pastrimin në kohë të segmenteve ku, si pasojë e reshjeve, ka pasur rënie inertesh në rrugë.