Salianji takim me kandidatët e primareve, Berisha: Askush nuk është i përjashtuar

Në një komunikim online me qytetarët, kryetari i PD Sali Berisha ka folur ndër të tjera, edhe për takimin e mbajtur nga Ervin Salinji me më të votuarit në procesin e Primareve.

Berisha tha se kandidatët e primareve i kishte takuar apo telefonuar personalisht dhe se në PD askush nuk është I përjashtuar.

“Kandidatët e Primareve i kam takuar ose telefonuar. Vetë Salianji ka qenë disa herë në këtë zyrë, Alimehmeti edhe më shpesh., Në këtë kontekst, askush nuk është i përjashtuar në këtë parti. Ka pasur një problem serioz, angazhimi ynë total në mbrojtjen e votës. Në rast se rikujtoni deklaratat e mia, kanë qenë 12, e para me Edi Ramën nuk ka zgjedhje, por kam bërë një zotim, që do të mbroj votën”, u shpreh Berisha.