Sekuestrohen mallra kontrabandë në Tiranë, arrestohet 59-vjeçari

Është finalizuar operacioni i koduar policor ‘Wares’. Policia e Tiranës bën me dije se është arrestuar 59-vjeçari H.B., banues në Tiranë, ndërsa është shpallur në kërkim pronari i dyqanit që do të merrte mallrat.

Gjithashtu uniformat blu bëjnë e dije se shitësja është proceduar penalisht.

Informacion:

Finalizohet nga Seksioni për Hetimin e Krimit Ekonomik dhe Financiar në DVP Tiranë, operacioni policor i koduar “Ëares”.

Sekuestrohen mallra dhe veshje të ndryshme, të dyshuara të kontrabanduara.

Vihet në pranga drejtuesi i një furgoni që u kap duke transportuar mallrat e dyshuara të kontrabanduara, drejt një dyqani.

Shpallet në kërkim pronari i dyqanit që do merrte mallrat, procedohet penalisht shitësja.

Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, organizuan dhe finalizuan operacionin policor të koduar “Ëares”.

Si rezultat i këtij operacioni u bë arrestimi në flagrancë i shtetasit:

– H. B., 59 vjeç, banues në Tiranë.

Shërbimet e Policisë, në afërsi të hyrjes së tregut të Medresesë, kanë lokalizuar dhe ndaluar furgonin me drejtues shtetasin H. B., në të cilin, gjatë kontrollit u gjetën dhe u sekuestruan, në cilësinë e provës materiale, mallra dhe veshje, të dyshuara të kontrabanduara.

Nga veprimet hetimore ka rezultuar se këto mallra do t’i merrte shtetasi F. Q., 52 vjeç, pronari i një dyqani, i cili u shpall në kërkim.

Në vijim të veprimeve u procedua penalisht në gjendje të lirë shtetasja A. Q., 44 vjeçe, shitëse në këtë dyqan.