Vrasja e Sabrinës, gazetarja zbulon telefonatën: Do dal nga burgu dhe do të vras

Gazetarja Anila Hoxha, e ftuar në ”Open”, ka rrëfyer telefonatën e Sabrina Bengajt dhe Elton Metajt. 23-vjeçarja u vra pak ditë më parë nga ish-burri në shtëpinë e prindërve të saj në një fshat në Fierit.

Hoxha tha se Metaj dy javë para se të dilte nga burgu ka telefonuar Bengajn dhe i ka thënë së do të dilte nga aty dhe do ta vriste.

”Kjo ishte një vrasje e paralajmëruar. Elton Metaj, dy javë para se të dilte nga burgu i Zaharisë e ka telefonuar Sabrina Bengajn dhe i ka thënë ”Unë do të dal nga burgu dhe do të të vras”. Pas kësaj telefonate dhe një diskutimi me familjen e saj, Bengaj është drejtuar për në komisariatin e policisë dhe ka bërë kallëzimin. Autoritetet kanë qenë në dijeni të kësaj telefonate”.