5 vjet “Tonight Ilva Tare”, pritje për miqtë e shquar të emisionit

Emisioni “Tonight Ilva Tare” sot mbush 5 vjeç. Emisioni politike i cili transmetohet në RTV Ora News i drejtuar nga gazetarja Ilva Tare feston 5-vjetorin.

Ky emision politik e ka hapur siparin e tij në 28 janar të vitit 2011, fill pas ngjarjeve të 21 janarit dhe i ftuari premierë i emisionit ishte kryetari i opozitës në atë kohë dhe kryeministri aktual Edi Rama.

Emisioni i moderuar nga gazetarja Ilva Tare numëron mbi 700 emisione dhe mbi 2500 të ftuar që kanë diskutuar çështje të rëndësishme në vend, por jo vetëm.

Personalitete të shumta marrin pjesë në 5 vjetorin e emisionit “Tonight Ilva Tare”.

Të pranishëm në këtë festë janë Presidenti i RTV Ora News, Ylli Ndroqi, kryeministri i Shqipërisë, Edi Rama, kreu i Kuvendit, Ilir Meta, ministra, deputetë të majtë dhe të djathtë, kryebashkiakë, përfaqësues të besimeve fetare, ambasadorë apo edhe përfaqësues të tjerë të mediave.