820 tërmete goditën Shqipërinë në dy javë pa ndërprerje. A duhet patur frikë? Edhe PO!
Tërmetet e njëpasnjëshme vazhdojnë të lëkundin Shqipërinë e Mesme në këtë sezon veror. Kjo situatë ka shkaktuar frikë tek njerëzit, por sizmologët shprehen se nuk ka vend për panik. “Epiqendra e tërmetit të djeshëm ishte rreth 11 km në verilindje të Peqinit. Ai i datës 4 ishte 5.1, kurse ky 4.7. Kjo diferencë në magnitudë tregon edhe një diferencë në energjinë e rrezatuar. Pra, nuk është se ka qenë më i rrezikshëm se ai i pari”, u shpreh Edmond Dushi, sizmiolog.
Por sa normale është kjo vazhdimësi lëkundjesh sizmike?
“Shpeshtësia e këtyre tërmeteve është më e madhe në raport me ato që kanë magnitudë më të madhe. Pra, ka një ligjshmëri që sa më e vogël të jetë magnituda aq më shpesh i presim”, shpjegon Dushi.
Tërmeti i djeshëm me epiqendër në Peqin ishte i izoluar, pa lëkundje të tjera pasuese. Ndryshe nga tërmeti në Gjirin e Lalzit dy javë më parë.
“Që nga ai moment e deri tani që po flasim janë regjistruar dhe vazhdojnë regjistrohen, por me një intesitet shumë të ulët dhe në frekuencë e në magnitudë, 820 termete”, tha Edmond Dushi për tch. Tërmetet janë të paparashikueshme dhe nuk mund të themi a do të vijojnë, por duke qenë se Shqipëria është vend aktiv në aspektin tektonik, tregon sizmiologu, mund të aktivizohen zona të tjera në vend. 820 tërmete pa ndërprerje, të vogla, mesatare apo të konsiderueshme, kjo tregon se akoma nuk ka “pushim”.
Rreziku i goditjes nga një tërmet nuk parashikohet. Inxhinierët sizmologë, të pyetur për cilësinë e ndërtimëve në Tiranë, përgjigjen shkurt: “Mos ndodhtë tërmet i fortë!
