A ka datë për protestën tjetër, në Tiranë?

Dje kryeministri Rama mori goditje fatale nga moria e njerëzve të cilët ishin në masë të madhe, sa zor se mban mend Bulevardi kryesor i Tiranës.

Kishte shumë qytetarë. Mediat botërore e dhanë live dhe iu çjerr maska regjimit të sotëm, ku siç akuzohet, ka marrë pushtetin me votat e blera nga krimi organizuar. Dosjet nr.339 dhe nr.184 janë në prokurori dhe po ziejnë nga brenda me emra ministrash, ish-ministrash, deputetë dhe banda të drogës në pazare për blerjen e votave.

Dje u shënua një fitore e radhës e opozitës në raport me kryeministrin, i cili shfaqet i qetë, por plas nga brenda se e shikon se po shkohet në zgjedhje të parakohshme parlamentare, pa atë si kryeministër.

Por pyetja shtrohet: Kur do jetë protesta finale në Tiranë? U mor vesh se do ketë nëpër rrethe protesta dhe bllokime, por në kryeqytet vendoset fati politik i qeverisë Rama.

Dhe radhën tjetër, finale, nuk duhet të ketë rrotullime nëpër Tiranë, në këmbë, të popullit të revoltuar.

Ndaj duhet data nga lidershipi opozitar, sepse qytetarët e duan datën!