Agron Gjekmarkaj nuk ka nevojë të bëhet hero, se ai është intelektual

Sonte Agron Gjekmarkaj  nuk u ndje mirë gjatë protetës së PD e cila bllokoi rrugët e kryeqytetit pas orës 17.00. U godit apo u ndje keq, siç mund të ndjehet çdo njeri, kjo akoma nuk është shpjeguar me detaje nga policia dhe selia blu, por sido të jetë fakti që një intelektual i kalibrit shqiptar si Agron Gjekmarkaj është në spital, shqetson çdo njeri normal në këtë vend.

Gjekmarkaj ka integritet dhe kulturë që të mos përdoret, kjo nuk diskutohet nga asnjë. PD e ka vlerë emrin e tij në selinë blu, por ai nuk mund të përdoret për arësye politike se u masakrua nga policia në rrugën e pallatit me Shigjeta.

Nëse vetë Agron Gjekmarkaj pohon se është goditur nga policia dhe për këtë shkak ka humbur ndjenjat e ka përfunduar në spitalin ushtarak, kjo e rëndon policinë e shtetit.

Por le të presim derisa të verifikohet saktësisht, pasi edhe policia ka pamje të asaj që ka ndodhur.

Agron Gjekmarkaj dhe Gazment Bardhi janë dy emrat që i dhanë vulën dhe emrin e PD, Berishës, nga gjykata, ndaj PD-ja të mos nxitohet ta përdorë politikisht gjendjen fizike të Agron Gjekmarkajt, si nënkryetar i parlamentit dhe nënkryetar i PD-së.

Nëse vetë Agron Gjekmarkaj thotë se e ka goditur policia, atëhere ka probleme serioze me demokracinë.

Le të presim derisa ai të flasë vetë, pa rënë në rrjetën e PD-së që don të martizojë gjithëkënd./D.Muçaku/