Ambasadori Donald Lu: Votoni reformën ose do ndëshkoheni keq!

Është mbledhur sot komisioni i posaçëm për reformën e drejtësisë, ku të pranishëm kanë qenë Ambasadorja e BE-së, Romana Vllahutin dhe ambasadori i SHBA-së, Donald Lu.

Ambasadorja e BE-së dhe SHBA-së përcolli mesazhin domosdoshmërinë e realizimit të reformës së drejtësisë si një shans unik që nuk duhet humbur.

I drejtpërdrejtë në mesazhe ka qenë ambasadori i SHBA. Ai tha se reforma në drejtësi nuk do lejohet të dështojë.

“Nëse kjo reformë dështon ju anëtarët e këtij komisioni turpëroni veten para atyre që kanë zgjedhur do të turpëroni marrëdhëniet tuaja me SHBA  dhe BE. Fatmirësisht së bashku ne nuk do të tolerojmë të dështojë”

91 % e mbështesin këtë reformë. mendojeni pak. Shqiptarët nuk bien dakord për shumë gjëra e megjithatë 91% bien dakord se vendi  ka nevojë për këtë reformë. E mëshiroj partinë e verbër politike apo udhëheqësin e shurdhër politik që e bllokon këtë reformë. E para do të dështoni nëse kërkoni të bllokoni këtë reformë.  E dyta do të përballeni me zemërimin e publikut shqiptar vitin e ardhshëm në zgjedhjet parlamentare nëse mendoni se mund të mbroni gjykatësit dhe prokurorët e korruptuar duke bllokuar këtë reformë”,- tha Donald Lu.

http://www.kohajone.com/2016/05/04/fjalimi-i-plote-donald-lu-ndaloni-lojerat-politike/