Ambasadorja Kim me zyrtarin e lartë të DASH dhe të dërguarin e Trump: Koordinim amerikan për Ballkanin

Ambasadorja e SHBA në Tiranë, Yuri Kim është takuar në SHBA me Zëvendës-ndihmës sekretarin amerikan i shtetit Filip Reeker dhe me të Dërguarin e Posaçëm të Presidentit Trump për dialogun Kosovë-Serbi, Riçard Grenell.

Në një foto të publikuar në Twitter, ambasadorja Yuri Kim shkruan: “Në Uashington, duke koordinuar veprimet për forcimin e miqësive dhe aleancave, për të shfrytëzuar fuqinë e SHBA-së për të arritur zgjidhje në Ballkan”

Ambasadori Riçard Grenell, i cili është angazhuar në arritjen e një marrëveshje mes Kosovës dhe Serbisë së fundi është emëruar nga presidenti Donald Trump drejtor në detyrë  i Zbulimit Kombëtar, agjencisë kryesore të inteligjencës në SHBA. Riçard Grenell ka zhvilluar takime të rëndësishme në Kosovë dhe në Serbi për të mundësuar gjetjen e gjuhës së dialogut. Ndër qëndrimet e tij të fundit për marrëveshjen Kosovë-Serbi është interesant fakti se diplomati i lartë i ka cilësuar si mashtrime lajmet që thonë se SHBA mbështet ndarjen e Kosovës.

Ambasadorja Kim ndodhet këto ditë në Uashington ku është takuar me shumë përfaqësues të Shqipërisë dhe Kosovës në diasporë.

In Washington coordinating ways to strengthen Friends & Allies, use US power to achieve solutions in Balkans. @RichardGrenell @EURPressOffice @USEmbPristina @usambserbia pic.twitter.com/5ux9Hvd4g7

— U.S. Ambassador to Albania (@USAmbAlbania) February 25, 2020