Artistja me famë botërore, Dua Lipa: Krenare që jam shqiptare!

Në Tiranë ndodhet artistja e njohur me famë botërore Dua Lipa. Ajo mbetet një yll botëror dhe një krenari shqiptare. Ajo ka reaguar pas vizitës që pati ditën e sotme në Tiranë.

Me një postim në Instagram ajo ka ka shkruar:

“Është nder të jem në Tiranë”- Shqipëri, sot për të parë punën e ndërtimit të “Sunny Hill Kindergarten” në qendër të qytetit. Pas tërmetit në 2019 dhe me gjithë ndihmën tuaj duke blerë bluzat tona “Lutu për Shqipërinë” që krijova me miqtë e mi @bondnyc, unë dyfishova fondet që bëmë dhe ato para do të shkojnë drejt mobilimit të gjithë këtij kopshti për 300 fëmijë. Faleminderit kryeministrit Edi Rama dhe kryebashkiakut Erion Veliaj që më ndihmuan”- ka shkruar Dua Lipe.

Çdo shqiptar ndjehet krenari për vajzën e saj e cila mbreteron sot në Botë me zërin e saj magjepës e hyjnor.

Ja se çfarë thanë sot Edi Rama dhe Erion Veliaj:

Uroj që ajo të rrojë e të mbretërojë 100 vjet në fronin ku është ulur, po brenda meje mbeti gjurma e vajzës së mençur, të edukuar e modeste si të ishte askushi, e cila është me siguri krenaria e lumturia e prindërve dhe e krejt familjes së saj, pikërisht sepse çka i takon botës nga ylli i muzikës, nuk ka prekur asnjë fije atë çka u takon atyre nga vajza e tyre. Çfarë çike”.

Erion Veliaj shkruan:

Një yll që rrezaton fort në qiellin e muzikës botërore, por një shqiptare e mirë, bujare dhe me zemër të madhe. 

Faleminderit Dua Lipa për adoptimin e kopshtit “Sunny Hill”, që po e rindërtojmë nga themelet për 300 fëmijë të mrekullueshëm të Tiranës.

Faleminderit Dua Lipa, që po na jep një dorë me Kopshtin 42 , i dëmtuar nga tërmeti i 26 nëntorit, i cili shumë shpejt do të mirëpresë 300 fëmijë në zemër të Tiranës.

Mirënjohje për Kujtimin dhe Arbenin nga Shqipëria , dy dizajnuesit e talentuar të bluzës, me shitjet e së cilës u mblodh fondi për mobilimin e kopshtit, që do të mbajë emrin e fondacionit të Duas, “Sunny Hill”.

Faleminderit edhe Dukagjin dhe Anesa Lipa, jeni dy prindër shembullorë me zemër të madhe!