Basha: Qeveria e Ramës, ilegjitime. Parlamenti është produkt i krimit

Basha: Bild tregoi se qeveria është ilegjitime. Rama ka ardhur në pushtet nga krimi

Kryetari i Partisë Demokratike, Lulzim Basha ka reaguar për përgjimet e publikuara sot nga gazeta gjermane “Bild”. Në një reagim në Facebook, Basha shprehet se përgjimet treguan se qeveria e Edi Ramës është iligjitime.

“Përgjimet e publikuara nga BILD janë tregues i historisë politike të Edi Ramës: ai ka ardhur në pushtet nga krimi dhe e mban pushtetin me krimin e për krimin.

Sot më shumë se kurrë, vendi ka nevojë për zgjidhje politike, e cila kalon përmes largimit të kryeministrit ilegjitim Edi Rama, krijimin e një qeverie tranzitore, që të garantojë zgjedhje të lira e të ndershme”,- shkruan Basha.

Postimi i plotë i Lulzim Bashës:

“Përgjimet e publikuara nga gazeta prestigjioze BILD kanë tronditur sot shumë shqiptarë dhe shumë miq të huaj, të cilët kanë hequr çdo dyshim se për të mbajtur pushtetin e kalbëzuar nga korrupsioni, Edi Rama ka bërë pakt me krimin, ka blerë vota nëpërmjet bandave dhe trafikantëve ndërkombëtarë të drogës.

6 përgjimet e publikuara nga media gjermane si pjesë e dosjes 339/1 janë radiografia e pushtetit mafioz dhe ilegjitim të Edi Ramës.

Bisedat tregojnë fuqinë e krimit të organizuar:

• Për të ndikuar në emërimin e deputetëve dhe të kryebashkiakëve të PS.
• Për të blerë votat për llogari të Edi Ramës sipas objektivit të caktuar prej tij.
• Për të urdhëruar administratën publike të identifikojë kundërshtarët politikë të Edi Ramës, që t’i kërëcënojë për votën e tyre.
• Për të marrë favore shtetërore në kundërshtim me ligjin.
• Për t’u informuar për axhendën politike brenda dhe jashtë vendit të kryeministrit.

Përgjimet që mbahen peng nga prokuroria e kontrolluar prej Edi Ramës, janë konfirmim i pakundërshtueshëm se:

• Parlamenti i dalë nga zgjedhjet e vitit 2017 është produkt i krimit të organizuar.
• Qeveria e Edi Ramës është ilegjitime.
• Me Edi Ramën nuk mund të ketë zgjedhje të lira e të ndershme.

Përgjimet e publikuara nga BILD janë tregues i historisë politike të Edi Ramës: ai ka ardhur në pushtet nga krimi dhe e mban pushtetin me krimin e për krimin.

Sot më shumë se kurrë, vendi ka nevojë për zgjidhje politike, e cila kalon përmes largimit të kryeministrit ilegjitim Edi Rama, krijimin e një qeverie tranzitore, që të garantojë zgjedhje të lira e të ndershme”.

Lexoni edhe…

• Bild tregoi se qeveria është ilegjitime. Rama ka ardhur në pushtet nga krimi
• Vangjush Dako reagon për audiopërgjimet e publikuara nga “Bild”
• Paloka: Nëse Rama nuk ikën, shqiptarët kanë të drejtë ta shporrin
• Berisha: “Bild” shpartallon Ramën dhe narkoshtetin
• Andi Bushati: Çfarë na tregoi “Bild” për shtetin e gangsterëve
• Petrit Vasili: U vërtetua plotësisht se kriminelët dhe Edi Rama kanë blerë votat
• Ulsi Manja: Bild prishi hetimet. Po kërkon destabilizimin e Shqipërisë
• E plotë/ 6 përgjimet e ‘BILD’. Astrit Avdulaj, biseda me Dakon e zyrtarë të PS