Papa Francesco bekon popullin shqiptar. Ati i Shenjtë uron Presidentin Meta

Papa Francesco ka uruar Ilir Metën më rastin e zgjedhjes së tij në postin e Presidentit të Republikës.

Në mesazhin e dërguar nga Selia e Shenjtë, Papa Francesco i përcjell përgëzimet më të sinqerta Meta për detyrën e re dhe shpreson në angazhimin e tij për të forcuar solidaritetin dhe unitetin e qytetarëve shqiptarë.

Në mesazhin e tij dërguar Ilir Metës, Ati i Shenjtë shkruan, “lutem që ju të mund të forconi gjithnjë e më shumë angazhimin tuaj për avancimin e lirisë, solidaritetit dhe unitetit drejt të mirës së përbashkët. Lutem që për të gjithë shqiptarët të ketë bekime hyjnore për paqe dhe prosperitet”.

Më poshtë teksti i plotë i letrës:

Shkëlqesisë së Tij, z. Ilir Meta

Presidenti i Republikës së Shqipërisë

Teksa ju bëheni gati të filloni bëheni mandatin tuaj si President i Republikës së Shqipërisë, dëshiroj t’ju përcjell përgëzimet më të ngrohta ju dhe qytetarëve shqiptarë. Të ndërgjegjshëm për klimën pozitive të respektit dhe besimit reciprok ekzistues në Shqipëri midis njerëzve me tradita të ndryshme fetare. Lutem që ju të mund të forconi gjithnjë e më shumë angazhimin tuaj për avancimin e lirisë, solidaritetit dhe unitetit drejt të mirës së përbashkët. Lutem që për të gjithë shqiptarët të ketë bekime hyjnore për paqe dhe prosperitet.

Papa Francesco.