Bisedat e trafikantëve për Tahirin. Rama distancohet nga ish-ministri: Shokuese

Kryeministri Edi Rama ka reaguar sot për herë të parë për dosjen “Habilaj”. Pas publikimit të përgjimit të dy të dyshuarve për trafik droge, Rama thotë se është i shokuar nga biseda ku përmendet emri i ish-ministrit të tij të Brendshëm.

Ai thotë se Saimir Tahirin e njeh prej vitesh si një person me qëllime të mira. Më tej, Rama shprehet se institucionet duhet të bëjnë drejtësi. “Asnjë luhatje. Asnjë rezervë. Asnjë dyshim: Lufta jonë me krimin do të vazhdojë në çdo ditë me edhe më shumë forcë. Deri në fund”.

Deklarata e Edi Ramës në Facebook:

“DUAM TË VËRTETËN! SA MË PARË!

Është e neveritshme dhe shokuese çka ka dalë prej bisedave të dy kriminelëve! Saimir Tahirin e njoh prej vitesh dhe kam pasur vetëm fjalë mbështetjeje e inkurajimi për të, si person me qëllime të mira, aftësi dhe integritet.

Por Shqipëria dhe shqiptarët sot duan e meritojnë të dinë të vërtetën, vetëm të vërtetën dhe asgjë tjetër përveç të vërtetës. Prandaj të gjitha organet ligjzbatuese, duhet t’i shkojnë deri në fund e pa humbur kohë kësaj historie, për të hedhur dritë të plotë mbi faktet.

Vetë qeveria e re është krijuar për të mos falur e as toleruar këdoqoftë, që zgjedh rrugën e krimit në vend të rrugës së Shqipërisë që duam – Me shtet, punë, mirëqenie.

 Asnjë luhatje. Asnjë rezervë. Asnjë dyshim: Lufta jonë me krimin do të vazhdojë në çdo ditë me edhe më shumë forcë. Deri në fund”,- shprehet Edi Rama.

Ky është komenti i parë i Edi Ramës për dosjen “Habilaj” ku rezulton i përfshirë emri i ministrit të tij më të afërt, Saimir Tahiri.

Qëndrimi i Ramës shihet edhe si distancimi i parë i Kryeministrit nga Ministri që dikur e quante të suksesshëm dhe njeriun që transformoi rrënjësisht policinë e shtetit.

Po sot, mediat italiane kanë publikuar detaje nga përgjimet e Moisi Habilajt, i njohur si kushëriri i Samir Tahirit.

Në vitin 2013, vetëm pak muaj pas ardhjes në pushtet të PS, Habilaj i thotë ortakut të tij se Samir Tahirit i kanë dhënë 5 milionë euro vetëm gjatë një muaji. Sipas bisedës mes dy trafikantëve të dyshuar, Eurot janë përdorur për fushatën elektorale.

Reagimi i Edi Ramës erdhi pak minuta pas publikimit në Top Channel të një tjetër bisede të përgjuar nga autoritetet italiane. Në bisedë përmendet direkt ish-ministri i Brendshëm, Saimir Tahiri, si person i lidhur me trafikantët e drogës.

Më 16 dhjetor të vitit 2013-të, autoritetet italiane kanë përgjuar një bisedë mes Moisi Habilajt, kushëriri i Tahirit i arrestuar dje, dhe Sabaudin Çelajt.

Gjatë bisedës, autoritetet kanë regjistruar: “Moisiu thotë: Çfarë ka më shumë se ne ai? Por Sabi (Sabaudini) i përgjigjet duke i thënë që Saimiri ka vetëm emrin (në kuptimin e famës, pozitës), por nuk beson që ka më shumë para se ata. Moisiu bën llogaritë sipas të cilave Saimiri në një muaj ka bërë minimumi 5 milionë euro. Sabi i thotë që të gjitha ato para ai i harxhon në fushatën elektorale. Por Moisiu i thotë që atij nuk i mjaftojnë as 20 milionë në një fushatë elektorale”.

Lexoni më shumë për këtë argument:

Saimir Tahiri bëri në një muaj 5 milion euro!

Basha thirrje Llallës: Mos u tako me Tahirin, por …

Ndreu, Bashës: Nëse ke prova, çoji në Prokurori!

Paralajmërimi i Vasilit që u duk i çuditshëm po vërtetohet

Berisha: Mandat ndërkombëtar arresti për Tahirin

Noka: Prokuroria të çojë prapa hekurave Tahirin

Akuzat për lidhje me Habilajn, Tahiri i kërkon takim Llallës

Manjani: Kujdes, arrestimet politike i shërbejnë Ramës

Deputetja e LSI, Mehmetaj: Kryeministri ra! Të japë dorëheqjen!

Basha: Sot është dita që Saimir Tahiri të arrestohet