Nishani: Erion Veliaj një sulm me fjalor rrugaçi.Parku te Liqeni të mos preket

Ashtu siç ishte paralajmëruar, Presidenti i Republikës Bujar Nishani i është bashkuar protestuesve te parku i liqenit, që kundërshtojnë ndërtimin e parkut të lodrave. Nishani ka takuar pranë parkut pjesëtarët e shoqërisë civile me të cilët ka biseduar..

Ai ka deklaruar se të prishësh parkun është vandalizëm.

“Vandalizëm të prishësh parkun e vetëm. Lëvizja qytetare shkon përtej parkut. Po nis një lëvizje për emancipim. Tirana po kthehet në një qytet kaosi. Gjelbërimi po i lë vendin betonizimit.  Lëvizja juaj për të ndalur vanzalizmat dhe vandalët, ndaj vazhdoni”, tha Nishani.

Ai iu përgjigj edhe deklaratave të Veliajt teksa tha se “nuk është hera e parë që vandalët më akuzojnë”.

“Sulme me fjalor rrugaçëror. Vila është ndërtuar 60 vjet më parë, nuk është e imja, por e shtetit e popullit. Tirana është kthyer në një qytet kaosi dhe të pabanueshëm. Këta kanë kulturën e makutërisë që nuk kanë dhënë asnjë kontribut për atdheun, por vetëm kanë marrë prej tij”, tha Nishani.

“Nuk është hera e parë që sulme me fjalor rrugësh i adresohen presidentit. Akuzat vijnë nga njerëz që nuk e njohin shtetin, që s’kanë asnjë kontribut. Nuk i kanë dhënë shtetit, por vetëm i kanë marrë. Detyra e Presidentit është të presë qytetarët për shqetësimin. Ata që shqetësohen për sjelljen time kanë mendje të mbyllur.”  u shpreh presidenti. Propozimin e Erjon Velisë, që kreu i shtetit t’ia falë Bashkisë vilën në Parkun e Liqenit, Nishani e quajti një spekullim.