Byroja e Hetimit, Basha: Nuk kemi rënë dakord për variantin e qeverisë

Kryesore E Martë, 20 Prill 2021 00:32

Kryetari i Partisë Demokratike, Lulzim Basha, në një prononcim për mediat paraditen e sotme mbi Byronë e Hetimit, deklaroi se “varianti që është publikuar nga qeveria nuk është ai që jemi dakordësuar, por një tjetër”.

“Rama tha se do priste rekomandimet e Venecias për Byronë e Hetimit, por 4 ditë më vonë ndryshoi mendje. Duhet të pyesni atë pse ndodhi kjo. Partia Demokratike mbështet draftin e ndërkombëtarëve. Nëse mazhoranca e ka këtë vullnet, ne e votojmë që sot. Por nëse nuk merret parasysh rakordimi me partnerët amerikanë dhe Komisionin e Venecias, drafti nuk do të votohet”, deklaroi Basha.

Kreu i PD-së theksoi se “pika që na ndan është që ky institucion të jetë 100% nën autoritetin e prokurorisë, siç parashikon Kushtetuta dhe siç kemi rakorduar me partnerët tanë ndërkombëtarë”.

Dje kreu i Kuvendit, Ilir Meta deklaroi se për këtë variant kishtë dhënë dakordësinë dhe Partia Demokratike. Ndërsa kryeministri Rama tha se PD duhet të votojë ligjin që kërkoi.