Demokratët rrethojnë Kuvendin, hedhin molotovë. Flakë, gaz lotësjellës dhe përplasje e dhunshme

Pasi u larguan me tensione të shumta nga Kryeministria, protestuesit e opozitës janë te godina e Kuvendit. Së bashku me deputetët demokratë, ata kanë “rrethuar” Kuvendin, ndërkohë që aty ndodhet një numër i madh efektivësh policie.

Protestuesit po tentojnë të çajnë kordonin policor. Ka përplasje të dhunshme mes turmës dhe policisë. Molotov nga turma dhe uji e gaz lotsjellës nga policia mbi protestuesit.

Situata vazhdon e nderë mes policisë dhe turmës demokrate. Flamur Noka dhe deputetët e PD janë në vijën e parë.

Në këto momente po hidhen bomba zhurmuese nga policia në drejtim të mediave.