Donald Trump rivales Harris: Hajde me 4 shtator në debat ose mos ta shikojë më surratin o e paaftë!
Donald Trump ka reaguar pasi fushata e Kamala Harris u shpreh se zv/presidentja do të pranojë një debat me republikanin nëse përballja organizohet në ABC dhe jo në Fox News.
Trump u shpreh përmes një postimi në Truth Social se “Harris nuk ka kapacitetin mendor për të bërë një debat të vërtetë” kundër tij. Ai u shpreh se ajo ka frikë sepse nuk ka asnjë mënyrë që të justifikojë kufijtë e saj të korruptuar dhe të hapur, shkatërrimin e mjedisit apo Afganistanin mes temash të tjera.
Trump u shpreh i prerë duke thënë se do të përballet me Harris në debat në 4 shtator, “ose nuk do ta shohë fare”, duke iu referuar përballjes së planifikuar në Pensilvani, në studiot e Fox.
“Kamala Harris nuk ka kapacitetin mendor për të bërë një debat të vërtetë kundër meje, të planifikuar për 4 shtator në Pensilvani. Ajo ka frikë ta bëjë këtë sepse nuk ka asnjë mënyrë që të justifikojë kufijtë e saj të korruptuar dhe të hapur, shkatërrimin e mjedisit të vendit tonë, sikletin në Afganistan, inflacionin, ekonominë e tmerrshme, normat e larta të interesit dhe taksat dhe luftën e saj të gjatë për të ndaluar fjalët, “Gëzuar Krishtlindjet”. Unë do ta shoh atë në 4 shtator ose, nuk do ta shoh fare. Ajo njihet si zëvendëspresidentja më e keqe në histori, e cila funksionon shumë mirë kundër Presidentit më të keq, të shtrembërit Joe Biden. Kombinimi i këtyre dy individëve me IQ të ulët e kanë shkatërruar vendin tonë, por ne do ta BËJMË AMERIKËN SË MADHE Sërish”, u shpreh Trump
