Trump: Sapo të zgjidhem President do tregoj kush i rrëzoi kullat binjake

Ka tronditur Amerikën dhe botën kandidati republikan kur deklaroi sot se do të nxjerrë dosjen se kush i rrezoi kullat binjake.  Kandidati republikan Donald Trump ka premtuar ashtu siç bëri Hillary Clinton disa javë më parë për UFO-t, se nëse ai zgjidhet President, do i tregojë amerikanëve se kush i ka rrëzuar kullat binjake, në shtator të 2001.

“Më votoni për president dhe do t’iu them se kush i rrëzoi Kullat Binjake”, ka deklaruar Trump mbrëmë.

Ai tha se do bëjë publike gjithë sekretet për sulmin e 11 shtatorit.“Goditëm Irakun, por nuk ishin ata që sulmuan Kullat Binjake. Do ta zbuloni kush ishin sapo unë të vë këmbë në Shtëpinë e Bardhë”, tha Trump.

Ai shtoi se “ka dokumenta sekretë që mund të vërtetojnë kush i rrëzoi”. Sipas Trump familja mbretërore saudite ka gisht në financimin e atyre që rrëzuan Kullat Binjake.