Edhe “kështjella” demokrate e Kamzës po bie në mes të vapës!

Sot PS-ja ka konstituar këshillin bashkiak të Kamzës. Mbledhja u zhvillua në një shkollë të zonës, kurse në zyrën e bashkisë vazhdon të qëndrojë Xhelal Mziu. Ky i fundit ka deklaruar se nuk do ta lëshojë zyrën sepse nuk i njeh zgjedhjet e 30 qershorit. Ndërkohë rivali i tij socialist ka thënë se do ta drejtojë bashkinë. Rakip Suli i tha se kjo ditë shënon një moment kthese për Bashkinë e Kamzës, teksa nuk i kurseu ironitë për paraardhësin e tij, Xhelal Mziu.

Suli tha se “Në mënyrë të veçantë faelnderoj PS dhe Ramën që më dha mundësinë që të jem kryetar i Kamzës. Jam mirënjohës për skuadrën e 30 qershorit, u arrit që të hapet një faqe e re për Kamzën. Nga sot interesi i qytetarëve të Kamzës, mbrohet nga ne. Qytetarëve të Kamëz deri tani janë shtuar hallet dhe jo zgjidhur. Një rrjedhë historie e mbrapsht që nuk ka sjellë as zhvillim dhe as mirëqenie për qytetarët e Kazmës”.

Jashtë bashkisë së Kamzës janë mbledhur dhjetra persona që bërtasin dhe mbajnë parulla kundër kryeministrit. Por e verteta, ndonëse është vapë e madhe, nuk ka kaq shumë demokratë që ndodhen para bashkisë. Me sa duket PS-ja e ka menduar këtë djallëzi dhe ndaj e synon ta marrë kur qytetarët janë në pushime.

Kur mendohej se do të kishte mijëra në mbrojtje të bashkisë së PD-së dhe kundër kryeministrit, numri mund të shkojë në disa dhjetra veta apo qindra.

Edi Rama po “pushton” në gusht si dikur sulltanët kur rrethonin kalatë shqiptare, pasi me afrimin e vjeshtës fillojnë shirat e Sulltani ikte.