Edi Rama ecën lagje me lagje, në këmbë, nëpër qytetin e Shkodrës (foto)

Kryeministri Rama ka dy ditë në Shkodër, ku mblodhi qeverinë dhe kryebashkiakët e vendit.

Por ajo që bie në sy mbetet se Edi Rama ka lëvizur lagje me lagje në këmbë nëpër qytetin e Shkodrës.

“Koha për një treg modern turistik për Shkodrën dhe një konvikt europian për nxënësit e shkollave profesionale.

Forca Benet se duhet të bëjmë ça su bë 30 vjet dhe qeveria s’ka nga lun pa t’nimu me t’tan forcën.

Se Shkodrën po s’e bame ne siç e ka meritu kaher, kush tjetër harroje se e ban sa jena gjallë”- shkruan Edi Rama për vizitën në Shkodër.

Një lëvizje të tillë për të parë nga afër situatën e qytetit më të rëndësishëm në Veri, Shkodrës, kryeministri nuk e ka bërë në asnjë qytet tjetër.

Pak me herët në një tjetër status, Rama shkruante: “Shkodërlocja në fjalët e Ernest Koliqit:

“Përhap lajmin e zgjimit rrezja e parë e

t’parat përshëndetje dridhen n’heshti l’letë,

e shpejt n’at lavdi, qe e vesh’ fare,

Shkodra kumbon me zane, zhurmë e jetë”