Edi Rama në Asamblenë e PS: Përveç sekretarit të Përgjithshëm, të gjithë të tjerët në lista të hapura

Edi Rama flet në Asamblenë e PS-së. Ai theksoi se nis ristrukturimin i PS-së, dhe nënvizoi fort se në listën e kandidatëve për deputet nuk do të jenë ata që kanë me shumë se një mandat deputeti. Të gjithë të konkurojnë, shtoi kryeministri dhe kryetari i PS.

“Skuadra jonë do të jetë e përbërë nga 187 anëtarë, 140 e hapur për tu zgjedhur nga populli dhe 47 në listën e mbyllur të partisë”, tha Rama.

Ai u shpreh se në listën e hapur do të jenë të gjithë ata që kanë disa mandate, përfshi edhe vetë Kryeministrin.

Rama tha se në listën e mbyllur mund të jenë Sekretari i Përgjithshëm, që ka një detyrë specifike, apo ai i Diasporës, si dhe pjesa dërrmuese do të jenë ata që do të kenë 1 mandat ose të rinj dhe të reja.

“Sot hapim një kapitull të ri të kësaj partie. Nisemi drejt përballjes për një mandat të katërt të PS, pranverën e ardhshme. Për 6 muaj duhet të jetë gati skuadra e re përfaqësuese për Shqipërinë 2030. Deputetët me më shumë se një mandat, pa përjashtuar dhe drejtuesit e qarqeve, të jenë në garë të hapur si të gjithë të tjerë. Në listën e mbyllur do të jenë pak prej tyre me detyra specifike. Pjesa kryesore e listës së mbyllur do të jenë deputetë me vetëm me një mandat dhe të rinj dhe të reja që do të jenë në këtë listë”, tha Rama.