Eduard Selami deklaron prerë se nuk do ta pranoj një koalicion me Ramën

Tanimë, me përfundimin e zgjedhjeve, fitoren e socialistëve dhe humbjen e demokratëve, ky debat ende përvijohet.

Por si e shohin në PD këtë mundësi? Kandidati për kryetar në PD Eduard Selami e ka dhënë mendimin e tij në lidhje me këtë koalicion, duke thënë absolutisht jo! 

I ftuar në emisionin Arena në Oranews, Selami është shprehur se një koalicion i tillë është plotësisht i panevojshëm, por pavarësisht kësaj, ai do të ishte i gatshëm që ta diskutonte me Këshillin Kombëtar të demokratëve.

Selami: Pika tjetër që më shqetëson dhe që unë do ta anuloj, nëse ka një koalicion mes Partisë Demokratike dhe Partisë Socialiste, unë jam absolutisht kundër. Kjo është në dëm jo vetëm të Partisë Demokratike, por edhe në dëm të Shqipërisë. Është totalisht i panevojshëm një koalicion i tillë. Edhe këtë..do t’ia lë kompetencë Këshillit Kombëtar, të zgjeruar, ku janë dhe ku s’janë. Një orë, dy, një gjysmë dite. Të futet kultura politike e ideve. Kështu është bërë shkretëtirë se nuk ka njeri. Nuk të lë njeri të diskutosh dhe të aftësohesh. Të jenë parti politike ashtu siç janë, organizata politike të fuqishme të mendimit politik. Del ai me një letër dhe ia jep ai tjetrit kush është në listë. 20 kryetar partie që u zgjodhën me një anëtar, një votë, edhe ata i hoqi. Thonë pastaj se ka bërë marrëveshje. Marrëveshje përse? Unë po të rrëzoj të gjithë modelin tënd.

Hila: Ishit kundra çadrës që në fillim?

Selami: Jo që në fillim! Isha për një protestë dhe e kam mbështetur. E kam thënë publikisht. Unë dola kundër çadrës kur filloi të përdorej si mënyrë për të shmangur Parlamentin. Bojkoti i Parlamentit është primitive dhe e dëmshme. Ta bëj forca politike që unë jam krenar, dhe që ka rrëzuar komunizmin është e papranueshme. Të bojkotosh zgjedhjet? Nuk i kemi bojkotuar në 1991. Respekt për të gjithë ata që morën pjesë.

Hila: Çadra prodhoi zgjedhje të qeta….

Selami: Të qeta, por jo të drejta. Ka parregullsi të thella dhe nuk arritëm dot t’i mbajmë. Nuk e quan si shkakun kryesor të humbjes. Edhe nëse është blerë vota.