Erion Veliaj takon kryebashkiakun e Londrës, e uron edhe për fitoren e Partisë Laburiste

Kreu i Bashkisë së Tiranës, Erion Veliaj, ka zhvilluar një takim me kryebashkiakun e Londrës, Sadiq Khan.

Në një postim në rrjetet sociale, Veliaj shkruan se e ka uruar Khan për rizgjedhjen si kryebashkiak i Londrës dhe për fitoren e Partisë Laburiste.

“I lumtur që takova mikun tim të mirë, Sadiq Khan, të cilin e urova për rizgjedhjen si kryebashkiak i Londrës, por edhe për fitoren fantastike të Partisë Laburiste. 
Është inkurajuese të shohësh se si narrativa progresiste po merr vëmendjen e nevojshme në një Europë të polarizuar”, shkruan Veliaj.