Ka nisur Samiti Politik Europian.
I pari që mori fjalën është kryeministri Edi Rama.
“Europa është udhëtim dhe udhëtimi është bërë i vështirë. Më besoni që jam në vështirësi të gjej fjalët në drejtimin e këtij samiti.
Nder i jashtëzakonshëm për të gjithë vendin dhe popullin tim t’ju mirëpresim të gjithëve. Në këtë shtëpi të kërkuar posaçërisht për këtë, ku nuk jeni të rrethuar nga zbrazëtia e një vendi takimesh por nga ëndrrat e fëmijëve shqiptarë për Europën”, tha ai.
Mbërritja juaj vijon një fushatë ku Europa ishte një pretendim i përbashkët identiteti, si përgjërim për përkatësi, jo si detyrë shtëpie por fat i bashkëndarë. Ndaj jam kaq i kënaqur që fushata u drejtua nga fjalët Europë-identitet-përkatësi, që fitoi më shumë se 52% të votave. Ishte një Brexit me role të përmbysura” tha ndër të tjera kryeministri si mikpritës.
Me tej Edi Rama theksoi se Europa duhet parë si vend paqe, kulture dhe investimesh, ku të rinjtë ta shikojnë si një bashkim ku jetohet e jo si një bashkim ku piktohet si vend me armë, si prioritet.
“Kur Donald Trump tha se zoti e shpëtoi nga plumbi se i plotfuqishmi kishte një plan për SHBA, tha vetëm gjysmën e të vërtetës se Zoti ishte një plan edhe për Europën. Europa ka një mundësi të dhuruar nga Zoti për të rishpikur veten. Udhëtimi ynë nuk është një udhëtim rrëmbimi, por një kthim në shtëpi, që gëlon me ëndrra për të ardhmen e çliruar nga mitet e të shkuarës dhe aspak dyshim e mbrojtur mirë, por padyshim një shtëpi që nuk ngjan me formën e armëve por me imagjinatën e fëmijëve tanë dhe etërve tanë”- shtoi kryeministri shqiptar.