Gjergj Luca inauguron “Rozafa Fier”, një investim i ri pranë Apolonisë

Biznesmeni i njohur shqiptar Gjergj Luca inauguroi kompleksin “Rozafa Fier”, një investim mbresëlënës, i ndërtuar me shije dhe elemente artistike në zonën pranë qytetit antik të Apolonisë dhe autostradës Fier–Vlorë.

Në ceremoninë festive morën pjesë mbi 500 të ftuar, mes tyre përfaqësues të institucioneve, sipërmarrës, qytetarë dhe drejtues të komuniteteve fetare.

“Rozafa Fier” është një tjetër investim i rëndësishëm i Gjergj Lucës, sipërmarrësit që ka shtrirë aktivitetin e tij në shumë zona të Shqipërisë, duke hapur vende të reja pune dhe duke punësuar mijëra qytetarë. Kompleksi i ri pritet t’i japë një tjetër shtysë zhvillimit ekonomik dhe turistik të zonës së Fierit.