Gjukanoviç: Vizita e Metës, vërtetim i marrëdhënieve të shkëlqyera mes dy vendeve

Kryesore E Hënë, 20 Shtator 2021 14:58

Presidenti i Republikës, Ilir Meta nisi sot vizitën shtetërore në Mal të Zi, me ftesë të homologut të tij malazez, Milo Gjukanoviç, me të cilin do të zhvillojë bisedime dypalëshe.

Në kuadër të kësaj vizite ai u prit me nderime të larta nga shtetërore nga homologu i tij malazez.

Presidenti i Malit te Zi, Milo Gjukanoviç gjatë konferencës së përbashkët për mediat me Presidentin e Republikes, Ilir Meta e ka cilesuar këtë vizitë si vërtetim të marrëdhënieve të shkëlqyera mes dy vendeve.

“Kënaqesi të mirëpres sot mikun tim Meta. Vizita e Presidentit të Shqipërisë në Mal të Zi, vertëtim i marrëdhënieve të shkëlqyera mes dy vendeve tona dhe një impuls i ri që këto marrëdhënie të forcohen me tej”, – u shpreh Gjukanoviç ndër të tjera gjatë konferencës së përbashkët për shtyp.