Gjykata e Apelit të Juridiksionit të Përgjithshëm, një ngrehinë që do zërë gjyqtarët brenda!

Reforma në Drejtësi ka fshirë gjykatat e Apelit në rrethet kryesore të Shqipërisë. Të gjitha janë shkrirë dhe tani janë grumbulluar në një godinë, dikur për zjarrfikëset e Tiranës, dhe ku nuk ka vend as të lëvizësh dhe as të gjykosh në mjediset e kësaj të ashtuquajtur GJYKATË E APELIT E JURIDIKSIONIT TË PËRGJITHSHËM.

Sot janë 28 gjyqtarë nga 78 të tillë që duhet të ketë Gjykata e Apelit. Nuk po llogarisim punën titanike që bëjnë gjyqtarët e saj, me dosje në zyra që janë bërë me lart se trupi i çdo gjyqtari apo gjyqtare.

Por nëse shikon si gazetar zyrat, dhomat e këshillimit ( të cilat janë sa një furrik pule dhe ku dëgjon çdo gjë, ndonëse dhoma e këshillimit nënkupton debat dhe bisedë mes trupit gjykues, e cila duhet të mbetet brenda murëve), kur shikon se gjykohet edhe në bodrumin e kësaj ndërtese, kur merr vesh se KLGJ dhe askush në shtet nuk interesohet për kushtet mizerabël të kësaj ndërtese gjykate, e cila pret të vijnë edhe 50 gjyqtarë të tjerë, të ikën mendja dhe kurkush në këtë gjykatë nuk kupton se ku do të rrijnë 50 gjyqtarët e tjerë, kur edhe për këto 28 nuk ka zyra!

Me humor një gjyqtar, me eksperiencë dhe që njihet si profesionist, tha se një gjyqtar mund ta sistemojmë këtu dhe tregon banjon e gjykatës!

Ironi therëse për shtetin dhe këdo që ka në dorë të financojë apo t’ju sigurojë ndërtesë me kushte punë se paku minimale.

Me shumë janë investuar nga shteti ndër vite për hekurat rrethues se sa për kushtet e punës. BE dhe Ambasada Amerikane në Tiranë, nëse do të shkonin personalisht ti shikonin kushtet e kësaj gjykate, do të lemerisnin dhe do iknin me vrap.

E fundit, një pyetje për ata të huaj që kanë projekte disa milionë euroshe për seminare, për këshillime, etj si nuk financojnë urgjent ndërtimin e një gjykate të re Apeli?/S.P./