Historia tragjike e nënës 30-vjeçare që humbi jetën me vajzën 8-vjeçare

26 viktima deri tani. Historitë e tyre janë drithëruese dhe që të bëjnë të përlotesh deri në vajtim.

Gazeta më e madhe zvicerane, Blick, i ka kushtuar një shkrim vdekjes nga tërmeti të një nëne 30-vjeçare dhe vajzës 8-vjeçare.

“Tërmeti shkatërroi një pallat me gjashtë kate në Durrës, ku jetonte Diena Meçaj Karanxha (30) dhe e bija, Esiela (8). Teksa ekipet e shpëtimit e gjetën vogëlushen të vdekur, ata e nxorën mamanë e re nga rrënojat të gjallë pas dy orësh.

Për 14 orë qëndroi ajo e plagosur rëndë në rrënoja. Diena Karanxha u dërgua në spital, por humbi jetën aty.

Ajo ndoqi kështu burrin e saj dhe babanë e Esielës. Karanxha e humbi burrin në vitin 2015 dhe jetonte vetëm me të bijën e vogël në pallat.

Në një postim në FB në vitin 2015, ajo vajtonte humbjen e burrit, të cilin e quante me dashuri Dori: “Falenderoj Zotin çdo ditë për fatin që pata. Por jeta na vendos përpara provave të vështira”.”