Numri dy i Shtetit, Meta në Washigton. Vizita e tretë zyrtare brenda 6 muajve

Vetëm në pak kohë kryetari i Kuvendit dhe njëkohësisht kryetari i LSI-së Ilir Meta i ka hipur avionit për përtej kontinentit, vizitë e cila është e treta brenda 6 muajve. Nuk ka ndodhur asnjëherë që numri dy i Shtetit të ftohet në SHBA brenda 6 muajve.

Zyrtarisht nuk bëhen të ditura takimet apo qëllimi i vizitës. Por dihet se takimet do jenë shumë të rëndësishme në Washington. Meta ka kërkuar vazhdimisht që PS e PD të ulen në një kompromis për të gjetur gjuhën e përbashkët për reformat me të rëndësishme të Shqipërisë.

Para nisjes për SHBA Ilir Meta theksoi se 20 votat e LSI kanë qenë e janë për Reformën në Drejtësi. Të hënën pritet të shikohet se çdo prodhojë takimi Rama-Basha dhe të martën pritet diçka interesante nga Washingtoni, atje ku Ilir Meta ndodhet që prej ditës së djeshme.