Italia dhe Spanja dy shtetet në shënjëstren e ISIS gjatë sezonit veror

Italia dhe Spanja janë dy shtetet, që sipas  gazetës gjermane “Bild” janë vënë në shënjestër të ISIS gjatë verës. Alarmi bazohet në të dhënat e shërbimeve inteligjente gjermane dhe italiane sipas të cilave po përgatiten sulme sulme terroriste në plazhet e Europës.

Terroristët mund të maskohen si shitës ambulantë dhe të kryejnë sulme kamikaze në plazhet e populluara të Evropës.Sipas gazetës, sulmet terroriste në plazhe mund të jenë të ngjashme me sulmin në Sousse në Tunizi, vitin e kaluar.Sipas një funksionari të shërbimeve gjermane, ISIS synon të përhapë terrorin në një tjetër dimension, pasi plazhet nuk mund të jenë të mbrojtura.