Ikin nga lista e kandidimit për deputet të PD, Ramiz Çoba dhe Sazan Guri
Ramiz Çobaj kandidati për deputet në listën e PD për qarkun e Shkodrës, njëkohësisht dhe kryetar i degës së PD mësohet se ka paraqitur dorëheqjen e parevokueshme nga lista për kandidim. Këtë vendim e kam marrë –shkruan Ramiz Çoba drejtuar Lulzim Bashës-se nuk mund të dal para qytetarëve me këtë listë fyese dhe denigruese për qarkun e Shkodrës, ndaj po largohem edhe nga kryetar i PD.
Tërhiqet nga kandidimi edhe Sazan Guri
Sazan Guri është shprehur se ka vendosur që të tërhiqet nga gara e 25 Qershorit. Pavarësisht se Guri nuk shprehet qartë se kush kanë qenë arsyet e vërteta të tërheqjes së tij, ambjentalisti ka shkruar se në Shqipëri, fati nuk është me njerëzit e dijes.
Ja çfarë shkruan Sazan Guri:
Miq dhe dashamires, Falenderimi im qendron per te gjithe ju qe s’keni rreshtur me deshiren e mire per te me uruar, me pretendimin e madh per te qene pjese e zgjidhjes se atyre ceshtjeve qe deri sot i kemi bere nga jashte dhe neser e tutje mund ti benim nga brenda. Por, fati ne Shqiperi ende nuk vazhdon te jete me njerezit e dijes, megjithese guxuam te ishim pjese e politikave per mbrojtjen e te pambrojturve dhe jo pjese e politikave per te bere biznes.
Do e falja nje figure politike para njerezve te mendimit, por s’mund te vazhdojme me me ata qe e shohin parlamentin si vend per ti dhene pune vetes dhe jo te tjereve, si vend qe rrisin bizneset dhe fitojne, packa qe te tjeret humbasin.
Ne keto kushte, as nuk e gjej dhe as nuk e krahasoj veten, ndaj vendosa te terhiqesha zyrtarisht nga kjo gare. Me shprese se kohe me te mira do te vijne, uroj qe zgjedhjet dhe parlamenti i ri te eci mbare !
Me respekt
Sazan Guri
http://albanianews1.al/kandidati-per-deputet-dhe-kryetari-pd-shkoder-jep-doreheqjen-nga-lista/
